پیرس ۔ رواں اولمپکس 2024ء میں جنوبی اور شمالی کوریا کے کھلاڑیوں کی پوڈیم پر لی گئی سیلفی وائرل ہوگئی۔ جنوبی اور شمالی کوریا کے کھلاڑیوں کی ایسی تصویر کو منفرد قرار دے دیاگیا ہے کیونکہ پوڈیم پر دونوں ممالک کے کھلاڑی گھل مل گئے تھے۔تفصیلات کے مطابق مکسڈ ڈبلز ٹیبل ٹینس میں شمالی کوریا نے سِلور اور جنوبی کوریا نے برونز میڈل جیتا تھا جبکہ مکسڈ ڈبلز میں دوسرے نے گولڈ میڈل جیتا جس کے بعد میڈلز کے لیے پوڈیم پر شمالی اور جنوبی کوریا کے کھلاڑیوں نے سیلفی بنوائی تھی۔ میڈیا رپورٹس کے مطابق کمنٹیٹرز نے کھلاڑیوں کی سیلفی کو اسپرٹ آف گیم بھی قرار دیا۔ شمالی کوریا اور جنوبی کوریا کے مابین کشیدگی پائی جاتی ہے جبکہ نیوکلیئر پاور شمالی کوریا نے جنوبی کوریا کو اپنا دشمن بھی قرار دیا ہوا ہے۔
