پریشٹینا: بلقان کی ریاست کوسووو میں نئی ملکی پارلیمان کے انتخاب کے لیے عوامی رائے دہی 14فروری کو ہو گی۔ اس تاریخ کا تعین عبوری خاتون صدر ویوسا عثمانی نے کیا۔ دارالحکومت پریشٹینا میں ملکی آئینی عدالت نے دو ہفتے قبل گزشتہ جون میں پارلیمان کی طرف سے وزیر اعظم عبداللہ ہوتی کی حکومت کے انتخاب کو غیر مؤثر قرار دے دیا تھا۔ وجہ یہ بنی تھی کہ اس حکومت کے انتخاب میں ایک مصدقہ طور پر بدعنوان رکن پارلیمان نے بھی حصہ لیا تھا۔ عبداللہ ہوتی کی حکومت کو پارلیمان میں صرف ایک ہی ووٹ کی اکثریت حاصل ہوئی تھی۔ 2008ء میں سربیا سے آزادی حاصل کرنے کے بعد سے اب تک کوسووو میں کوئی ایک بھی حکومت ایسی نہیں بنی، جس نے اپنی پارلیمانی مدت پوری کی ہو۔
