واشنگٹن :23اکٹوبر ( ایجنسیز ) امریکی صدر ڈونلڈ ٹرمپ نے وائٹ ہاؤس میں صحافیوں کو بتایا کہ وہ کولمبیاکے خلاف ‘انتہائی سنجیدہ کارروائی’ کر سکتے ہیں کیونکہ وہ منشیات کی اسمگلنگ میں مبینہ کردار ادا کرتا ہے۔ ٹرمپ نے کہا کہ صدر گستاوو پیٹرو ایک ٹھگ اور ایک برا آدمی ہے، وہ ایک ایسا شخص ہے جس نے بہت ساری منشیات بنائی ہیں۔ ٹرمپ نے چہارشنبہ کے روز وائٹ ہاؤس میں صحافیوں کو بتایا کہ ہم نے آج تک کولمبیا جانے والی تمام ادائیگیوں کو روک دیا ہے۔ٹرمپ نے کہا کہ پیٹرو نے اپنے ملک کیلئے بہت خراب کارکردگی کا مظاہرہ کیا اور دعویٰ کیا کہ ان کے پاس کوکین فیکٹریاں ہیں۔ دوسری جانب صدر پیٹرو نے ایکس پر کہاکہ اعلی حکام کی طرف سے امریکہ میں میرے خلاف جو بہتان لگائے گئے ہیں ان سے میں امریکی نظام انصاف میں امریکی وکلائکے ساتھ عدالتی طور پر اپنا دفاع کروں گا۔
