بگوٹہ، 28 مئی (سیاست ڈاٹ کام) کولمبیا میں کورونا وائرس وبا کے پیش نظر نافذ لاک ڈاؤن میں یکم جون سے جزوری طور پر راحت دی جائے گی۔صدر ایوان ڈیوک نے ویڈیو کانفرنسنگ کے ذریعہ خطاب کرتے ہوئے یہ اطلاع دی۔ انہوں نے کہا کہ 70 سال سے زیادہ عمر والے اور پرانی بیماری سے متاثر لوگوں کو ‘سیلف آئسولیشن’ پر عمل کرنا چاہیے ۔وزیر صحت فرنانڈو روئز نے کہا کہ سیلف آئسولیشن میں رہ رہے لوگوں کو آؤٹ ڈور کھیلوں میں شامل ہونے کی اجازت دی جائے گی لیکن یہ ہفتے میں تین باراور ایک دن میں 30 منٹ سے زیادہ نہیں ہوگی۔انہوں نے تصدیق کی کہ یکم جون سے آؤٹ ڈور کھیل سبھی زمروں کے شہریوں کے لئے دستیاب ہوں گے ، اگرچہ زیادہ عمر والے گروپوں کے لئے کئی پابندیاں نافذ ہوتی رہیں گی۔ کنڈر گارڈن اور یونیورسٹیوں میں فاصلاتی کام جاری رہے گا۔ جبکہ ریستوراں صرف ڈلیوری کے لئے کھولے جائیں گے ۔ یہ انتظام 30 جون تک اثر میں رہے گا۔
