کولکاتہ ، 8 جولائی (یو این آئی) کولکاتہ اور مضافاتی علاقوں میں تیز بارش کے بعد اہم شاہراہ اور بون گاؤں کو جوڑنے والے مختلف اسٹیشنوں پر پانی جمع ہونے کے سبب مشرقی ریلوے کے مصروف سیالدہ جنکشن پر ٹرین خدمات منگل کے روز متاثر ہوئیں۔ سرکاری ذرائع نے بتایا کہ گذشتہ رات کولکاتہ میں شدید بارش کی وجہ سے ، کچھ بڑے حصوں میں پانی جمع ہونے کی وجہ سے مصروف اوقات میں ٹریفک متاثر ہوا۔سٹی پروٹیکشن ڈپارٹمنٹ نے ہاوڑہ ، سیالدہ اور سٹی آفس کے علاقوں کو جوڑنے والے اہم راستوں سے پانی نکالنے کے لئے پمپ لگائے ہیں۔سیالدہ مین سیکشن پر ٹرین خدمات متاثر ہوئی ہیں۔ اہم شاہراہ کے بیلگھوڑیا ، ٹیٹاگڑھ اور بونگاون کی جانب بارسات میں پانی جمع ہونے کی اطلاعات ہیں ، جو مقامی مسافروں کے لئے مشرقی ریلوے نظام کا مصروف ترین حصہ ہے ۔ موسمیات کے ماہرین نے پورے خطے کے بیشتر مقامات پر ہلکی سے درمیانی بارش یا گرج چمک کے ساتھ بوچھار پڑنے کا امکان ہے ۔
سیالدہ کے کئی علاقوں میں بارش کا پانی جمع ہوگیا ہے اور شمال سے جنوب تک نچلے علاقوں میں کئی مقامات پر پانی بھرگیا ہے ۔ ریاست کے جنوبی علاقوں میں شدید بارش ہوئی ہے ۔
