کولہاپور، 10مئی (سیاست ڈاٹ کام) مہاراشٹر کے کولہا پور ضلع میں زیرتعمیر دیوار کا بڑا حصہ بیٹھ جانے سے تین لوگوں کی موت اور دو لوگ بری طرح زخمی ہوئے ہیں۔پولیس نے اتوار کو بتایا کہ پنہلا تحصیل کے کوڈولی گاوں میں لکھس رو ڈ پر ایک پرانے دیوار کی مرمت کی جارہی تھی۔ اس دوران سنیچر کی رات دیوار کا بڑا حصہ گر گیا اور پانچ مزدور اس میں دب گئے ۔پولیس اور گاوں والوں نے مل کر ملبہ سے دو مزدوروں کو نکال کر زخمی حالت میں وارنا اسپتال پہنچایا جبکہ دیوار کے مالک سمیت تین لوگوں کی دم گھٹ جانے سے موت ہوگئی۔پولیس نے بتایا کہ مرنے والوں کی شناخت دیوار کے مالک مہیش وارکری، سکندر جمادار اور امول سداکالے کے طورپر کی گئی ہے ۔یہ تمام لوگ کوڈولی کے شہری تھے ۔