نئی دہلی: قومی کووڈ ویکسینیشن مہم کے تحت ملک بھر میں 188.19 کروڑ سے زیادہ کووڈ ویکسین لگائی گئی ہیں۔صحت اور خاندانی بہبود کی مرکزی وزارت نے چہارشنبہ کو یہاں بتایا کہ آج صبح 7 بجے تک 188 کروڑ 19 لاکھ 40 ہزار 971 کووڈ ویکسین دی گئی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 2927 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد کم ہو کر 16 ہزار 279 رہ گئی ہے ۔یہ متاثرہ کیسز کا 0.04 فیصد ہے ۔ روزانہ انفیکشن کی شرح 0.58 فیصد تک پہنچ گئی ہے ۔وزارت نے کہا کہ اسی مدت میں 2252 افراد کووڈ سے صحت یاب ہوئے ہیں ۔ اب تک مجموعی طور پر چار کروڑ 25 لاکھ 25 ہزار 563 کووڈ سے بازیاب ہوئے ہیں۔ بحالی کی شرح 98.75 فیصد ہے ۔گزشتہ 24 گھنٹوں میں ملک میں پانچ لاکھ پانچ ہزار 65 کووڈ ٹیسٹ کیے گئے ہیں۔ ملک میں اب تک کل 83 کروڑ 59 لاکھ 74 ہزار 79 کووڈ ٹیسٹ کیے جا چکے ہیں۔
