نئی دہلی: ملک میں گزشتہ 24 گھنٹوں کے دوران کووڈ انفیکشن کے تین ہزار سے زیادہ نئے معاملے سامنے آئے ہیں اور اس کے ساتھ ہی متاثرہ افراد کی کل تعداد 18 ہزار سے تجاوز کر گئی ہے ۔صحت اور خاندانی بہبود کی مرکزی وزارت نے اتوار کو یہاں بتایا کہ ملک میں گزشتہ 24 گھنٹوں کے دوران 3824 نئے کیس درج ہوئے ہیں۔ اس کے ساتھ ہی کووڈ متاثرین کی تعداد بڑھ کر 18,389 ہو گئی ہے اور انفیکشن کی شرح بڑھ کر 2.87 فیصد ہو گئی ہے ۔وزارت کے مطابق گزشتہ 24 گھنٹوں میں 1784 لوگ کووڈ انفیکشن سے صحت یاب ہوئے ہیں۔ ری کوری کی شرح 98.77 فیصد ہے ۔ اسی مدت میں، 1,33,153 کووڈ انفیکشن کے ٹیسٹ کیے گئے ہیں۔گزشتہ 24 گھنٹوں کے دوران 2799 کووڈ ویکسین لگائی گئی ہیں۔ اس کے ساتھ ہی ملک میں 220.66 کروڑ سے زیادہ کووڈ ویکسین لگائی جاچکی ہیں۔
