فلوریڈا ۔10 ڈسمبر (سیاست ڈاٹ کام ) خواتین کی عالمی ٹینس تنظیم ڈبلیو ٹی اے نے سالانہ ایوارڈز کا اعلان کردیا۔ چیک جمہوریہ کی پیٹرا کوویٹوا نے مسلسل ساتویں اور کیریئر میں ا?ٹھویں مرتبہ اسپورٹس مین شپ ایوارڈ جیت لیا۔ یہ اعزاز انہیں بطور کھلاڑی خود کو پروقار انداز میں پیش کرنے اور قوانین پر عمل کرنے کی بدولت دیا گیا ہے۔ کینیڈا کی گبریلا ڈیبروسکی کو پلیئرز سروس ایوارڈ سے نوازا گیا۔ یہ ان کی ساتھی پلیئرز کی مدد، حمایت اور خدمات کے اعتراف کے طور پر دیا گیا۔ عالمی نمبر ایک کھلاڑی ایشلے بارٹی کے کوچ نے سال کے بہترین کوچ کا اعزاز حاصل کیا۔
