حیدرآباد:مرکزی وزیر فینانس نرملاسیتارامن نے کہا ہے کہ ملک کے 50کروڑسے زائد افراد کو کوویڈ کے ٹیکے دیئے گئے ۔انہوں نے آندھراپردیش کے وشاکھاپٹنم کے چناوالٹیر علاقہ میں کوویڈ ٹیکہ اندازی کے مرکز کا معائنہ کیا۔اس موقع پرمیڈیا سے بات کرتے ہوئے سیتارامن نے دعوی کیا کہ آنے والے دنوں میں ٹیکہ اندازی کے عمل میں تیزی پیدا کی جائے گی۔انہوں نے کہاکہ مزید دوٹیکوں کی ہندوستان میں منظوری دی گئی ہے ۔مرکزی وزیر کے دفتر نے اپنے دورہ کے سلسلہ میں تصاویر کو پوسٹ کیا اوراس سلسلہ میں کئے گئے ٹوئیٹ میں کہا کہ اے پی میں کوویڈ 19کے 2.36کروڑافرادکو پہلا ڈوز دیاگیا۔
