نئی دہلی: مرکزی وزارت صحت و خاندانی بہبود نے منگل کو کوویڈ انفیکشن کے علاج کے لیے تین مزید دواؤں کوربیویکس ویکسین، کووویکس ویکسین اور اینٹی وائرل دوا مولنوپیراویر کے استعمال کو دے دی۔یہاں جاری کردہ سلسلہ وار ٹویٹس میں یہ اطلاع دیتے ہوئے مرکزی وزیر برائے صحت و خاندانی بہبود منسکھ مانڈویہ نے کہا کہ کوویڈ سے متاثرہ مریضوں کے علاج کیلئے ایک دن میں مزید تین دواؤں کو دی گئی ہے ۔ اس کیلئے ہندوستان کو مبارکباد۔مانڈویہ نے کہا کہ وزیر اعظم نریندر مودی کی قیادت میں کوویڈ کے خلاف جنگ تمام محاذوں پر لڑی جا رہی ہے ۔ تینوں ادویات کی سے کورونا کے خلاف عالمی جدوجہد کو تقویت ملے گی۔انہوں نے کہا کہ ہماری دوا ساز صنعت پوری دنیا کیلئے ایک قیمتی اثاثہ ہے ۔ انہوں نے کہا کہ وزارت کے تحت سی ڈی ایس سی او نے کوویڈ کے مریضوں کے علاج کے لیے ایک دن میں تین دواؤں یعنی کوربیویکس، کووویکس ویکسین اور اینٹی وائرل مولانوپیراویر کو دی ہے۔ انہیں ہنگامی صورت حال میں استعمال کیا جائے گا۔کوربیویکس کو حیدرآباد کی ایک کمپنی ای بایولوجیکلز کے ذریعہ تیار کیا گیا ہے ۔ یہ تیسری ہندوستانی اینٹی کوویڈ ویکسین ہے ۔ یہ آر بی ڈی پروٹین پر مبنی ہے ۔کووویکس ویکسین پونے کے سیرم انسٹی ٹیوٹ آف انڈیا میں تیار کی جائے گی۔ یہ نینو پارٹیکل پر مبنی ہے ۔ اینٹی وائرل دوا مولنوپیراویر ملک میں 13 کمپنیاں تیار کریں گی۔ اس کا استعمال بالغ کوویڈ مریضوں کے علاج کیلئے کیا جائے گا۔
