نئی دہلی : ویراٹ کوہلی کی موجودگی نے نہ صرف رانجی ٹرافی کی مقبولیت کو بڑھایا ہے بلکہ دہلی ٹیم کے گرتے ہوئے حوصلے کو بھی بلند کیا ہے، جو جمعرات کو یہاں ریلوے کے خلاف اپنے آخری گروپ ڈی میچ میں جیت کے ساتھ مایوس کن مہم کا اختتام کرنے کی امید کر رہی ہے۔ ریلوے (چھ میچوں میں 17 پوائنٹس) کے پاس ناک آؤٹ مرحلے میں جگہ بنانے کا اچھا موقع ہے، بشرطیکہ وہ دہلی کو بونس پوائنٹس کے ساتھ شکست دے ۔ دہلی کے چھ میچوں میں 14 پوائنٹس ہیں اور اس کے پاس صرف ایک ریاضیاتی کرشمہ کا سہارا ہے، لیکن یہاں متوقع 10,000 سے زائد شائقین کو نتیجے کی پرواہ نہیں ہوگی وہ کوہلی کو دیکھنے یہاں موجود ہوں گے ۔
