کویت سٹی ؍ قاہرہ: کویتی اور مصری وزارت صحت کا کہنا ہے کہ کورونا کے نئے ویرینٹ ’جے این ون‘ کے متعدد کیسز ریکارڈ پر آئے ہیں تاہم اس حوالیسے تشویش کی کوئی بات نہیں۔اخبار 24 کے مطابق وزارت صحت کے ترجمان عبداللہ السند نے کہا ہے کہ اس نوعیت کے ویرینٹ کے سامنے آنا غیرمتوقع امر نہیں تاہم اس حوالے سے کسی قسم کی پریشانی کی کوئی بات نہیں ہے۔السند کا مزید کہنا تھا کہ موجودہ موسم میں نظام تنفس کے امراض ابھرتے ہیں جو کہ سیزنل ہوتے ہیں اس حوالے سے پریشانی کی بات نہیں۔احتیاطی تدابیر کے حوالے سے ترجمان کا کہنا تھا کہ احتیاطی طور پر اگر کوئی وائرس کا شکار ہوتا ہے تو اسے چاہیے کہ خود کو دوسروں سے الگ رکھے اور مقررہ احتیاطی تدابیر پرعمل کرے۔دوسری جانب مصری وزارت صحت کا کہنا ہے کہ کورونا کے نئے ویرینٹ میں مبتلا کیسز کی تصدیق ہوئی ہے جو ’جے این ون ‘ ہے اس حوالے سے مریضوں کی حالت بہتر ہے کسی کو ہاسپٹل میں داخل نہیں کیا گیا۔
