کویت سٹی۔ 7 مارچ ۔(سیاست ڈاٹ کام) کویت میں حکام نے اعلان کیا ہے کہ کورونا وائرس کے پھیلاؤ کو روکنے کے واسطے ایک ہفتے کے لیے 7 ممالک کے ساتھ فضائی پروازوں کا سلسلہ روک دیا گیا ہے۔ہفتے کے روز کویت کی کابینہ کی جانب سے جاری بیان میں بتایا گیا ہے کہ کویت کے بین الاقوامی ہوائی اڈے سے سات ملکوں کے لیے فضائی پروازوں کی آمد ورفت کو ایک ہفتے کے لیے روک دینے کا فیصلہ کیا گیا ہے۔ ان ممالک کے نام یہ ہیں: بنگلہ دیش، ہندوستانی، سری لنکا، فلپائن، شام، لبنان اور مصر۔