کویت سٹی: کویت میں سوپریم کورٹ نے السالمیہ علاقہ میں بیٹی کے قتل پر کویتی ماں کو عمر قید کی سزا سنا دی۔کویتی جریدے القبس کے مطابق کویتی خاتون نے بیٹی کو باتھ روم میں بند کردیا تھا۔ اس نے بیٹی کے مرنے پر اس کی نعش کو باتھ روم ہی میں رکھا۔ نعش گل سڑ جانے پر گھر ہی میں دفنا دیا۔ اخباری رپورٹ میں بتایا گیا ہیکہ واردات کا انکشاف کئی سال بعد ہوا۔ عدالت نے الزام ثابت ہوجانے پر ماں کو سزائے عمر قید سنائی اور سزا میں تخفیف کی درخواست یہ کہہ کر مسترد کردی کہ جو سزا سنائی گئی ہے وہ قانون کے عین مطابق ہے۔کویتی میڈیا میں مقتول لڑکی کو ’السالمیہ کی بیٹی‘ کے نام سے یاد کیا جارہا ہے۔ قتل کی رپورٹ منظر عام پر آنے پر پورے ملک میں غم و غصے کی لہر دوڑ گئی تھی۔کویتی عدالتوں کی ویب سائٹ پر یہ اطلاع بھی دی گئی ہے کہ ماں پانچ برس تک اپنی بیٹی کی نعش حمام میں رکھے ہوئے تھی۔
