کٹھر بن رہے ہیں ہریانہ کے دوسری بار وزیر اعلیٰ، کل لے سکتے ہیں حلف، اور ریاست میں ہوگا ایک نائب وزیر اعلیٰ

,

   

منوہر لال کھٹر دوسری بار ہریانہ کے وزیر اعلی بننے جا رہے ہیں، انہیں آج یہاں بھارتیہ جنتا پارٹی کی قانون ساز پارٹی کا متفقہ طور پر لیڈر اف ہاوس منتخب کر لیا گیا ہے۔ پارٹی کے 40 نو منتخب اراکین اسمبلی کی یہاں یونین گیسٹ ہاؤس میں تقریبا 11.30 بجے اجلاس ہوا ۔ اجلاس میں مرکزی وزیر روی شنکر پرساد اور پارٹی کے قومی جنرل سکریٹری ارون سنگھ بطور مرکزی مشاہد اور ریاستی معاملات کے انچارج انل جین بھی شریک تھے۔ تقریباً دس منٹ تک جاری رہنے والی اس میٹنگ میں پارٹی اراکین کے لیڈر کے عہدہ کے لئے کھٹر کے نام کی تجویز پیش کی گئی تھی جس پر سب نے متفقہ طور پر کٹھر کے نام پر رضامندی کا اظہار کیا۔

اجلاس کے بعد کھٹر ہریانہ کے گورنر ستیہ دیو نارائن سے ملاقات کریں گے اور ریاست میں اگلی حکومت سازی کا دعویٰ پیش کریں گے۔ ملی اطلاع کے مطابق منوہر لال کھٹر کل یعنی اتوار کو دوپہر دو بجے چندی گڑھ واقع راج بھون میں وزیر اعلیٰ عہدہ کا حلف لیں گے۔ ذرائع نے ساتھ ہی بتایا کہ ریاست میں دو نائب وزیر اعلیٰ ہو سکتے ہیں۔ حالانکہ بی جے پی کے سینئر لیڈر اور مرکزی وزیر روی شنکر پرساد نے صاف طور پر کہا ہے کہ ریاست میں ایک ہی نائب وزیر اعلیٰ ہو گا۔

قبل ازیں بی جے پی کے قومی صدر امت شاہ بھی یہ واضح کر چکے ہیں۔ نائب وزیر اعلیٰ کا عہدہ پارٹی کی حلیف دشینت چوٹالہ کی جننائک جنتا پارٹی کو دیا جا رہا ہے۔ اس بیچ جے جے پی سے منسلک ذرائع نے بتایا کہ پارٹی نینا چوٹالہ کو نائب وزیر اعلیٰ بنانے پر غور کر رہی ہے۔ نینا دشینت کی ماں اور ابھے چوٹالہ کی اہلیہ ہیں۔

بی جے پی کو اس اسمبلی انتخابات میں 40 سیٹیں ملی تھیں اور اس طرح وہ اکثریت کےاعداد و شمار سے چھ سیٹ پیچھے رہ گئی ہے۔ ایسے میں ریاست میں مستحکم حکومت بنانے کے لئے اس نےجے جے پی کے ساتھ آزاد اسمبلی ارکان كو بھی اپنےساتھ لیا ہے۔ جے جے پی نے 10 نشستیں جیتی ہیں جبکہ سات آزاد ممبران اسمبلی ہیں۔ ریاست کی 90 رکنی اسمبلی میں حکومت کے پاس اب 57 ممبران اسمبلی ہوں گے تو اکثریت کے جادو کے اعداد و شمار سے 11 زیادہ ہیں۔2014 کے اسمبلی انتخابات میں بی جے پی کو 47 سیٹیں ملی تھیں اور ریاست میں اس نے سب سے پہلے اپنے دم پرحکومت بنائی تھی اور پانچ سال پورے کیے تھے۔