حیدرآباد۔/23 اگسٹ، ( سیاست نیوز) پرانے شہر کے علاقہ عیدی بازار میں ایک خاتون حادثاتی طور پر پیش آئے واقعہ میں جھلس جانے کے سبب فوت ہوگئی۔ سنتوش نگر پولیس کے مطابق 33 سالہ تسلیم النساء جو عیدی بازار کے ساکن محمد شیخ علی کی بیوی تھی نے 16 اگسٹ کو کچرہ جلانے کی کوشش کے دورن مشتبہ طور پر جھلس گئی تھی جس کو فوری ہاسپٹل منتقل کیا گیا جہاں علاج کے دوران یہ خاتون فوت ہوگئی۔ سنتوش نگر پولیس نے مقدمہ درج کرلیا ہے اور مصروف تحقیقات ہے۔
