نئی دہلی، 18 مئی (یو این آئی) کانگریس صدر ملکارجن کھرگے اور سابق صدر راہول گاندھی نے ملک کا پہلا جوہری تجربہ کرنے والے سائنسدانوں کو یاد کرتے ہوئے انہیں خراج عقیدت پیش کیا۔ ایٹمی سائنسدانوں اور محققین کو یاد کرتے ہوئے انہوں نے کہا کہ ان کی محنت کی وجہ سے ہندوستان ایٹمی تجربات کرنے والا دنیا کا چھٹا ملک بنا تھا۔ انہوں نے سابق وزیر اعظم اندرا گاندھی کو بھی یاد کیا اور کہا کہ انہوں نے نامساعد حالات میں بھی غیر معمولی قیادت کا مظاہرہ کرتے ہوئے پوکھرن ایٹمی تجربہ کرایاتھا۔ کھرگے نے کہا کہ “51 سال پہلے ، ہندوستان نے اپنا پہلا جوہری تجربہ کیا تھا، جس کا کوڈ نام ‘سمائلنگ بدھا’ تھا، اور اس طرح کا تجربہ کرنے والا دنیا کا چھٹا ملک بن گیا۔ ہمارے سائنسدانوں اور محققین نے اپنی ذہانت اور لگن سے یہ غیر معمولی کارنامہ انجام دیا۔ ہم ان کے بے حد مشکور ہیں۔اس وقت کی وزیر اعظم اندرا گاندھی نے نامساعد حالات میں بھی غیر معمولی ہمت کا مظاہرہ کرتے ہوئے مثالی اور متحرک قیادت کا مظاہرہ کیا، ایک ایسی میراث ہے جو ہمیشہ رہے گی۔ گاندھی نے کہا کہ “اندرا گاندھی کی دور اندیش اور فیصلہ کن قیادت میں، ہندوستان نے 51 سال قبل راجستھان کے پوکھران میں اپنا پہلا جوہری تجربہ آپریشن سمائلنگ بدھا کیا تھا۔ میں ان سائنسدانوں اور محققین کا تہہ دل سے شکریہ ادا کرتا ہوں جن کی لگن سے یہ ممکن ہوا ۔ ان کی وراثت ہندوستان آج بھی زندہ ہے ، جو نسلوں کو ٹکنالوجی کی ترقی اور ہندوستان کی اسٹریٹجک صلاحیتوں کو مضبوط کرنے کی ترغیب دیتی ہے ۔
