نئی دہلی یکم نومبر (سیاست ڈاٹ کام ) دہلی میں فضائی آلودگی کی موجودہ صورت حال اور 3 نومبر کو یہاں کھیلے جانے والے ٹوئنٹی 20 بین الاقوامی میچ کے متعلق خدشات کے درمیان بنگلہ دیشی کھلاڑیوں نے ماسک لگا کرمشق کی۔ ہندوستان اور بنگلہ دیش کے درمیان تین ٹوئنٹی 20 میچوں کی سیریز کا پہلا مقابلہ اتوار کو ارون جیٹلی اسٹیڈیم میں منعقد ہونا ہے لیکن دارالحکومت میں دیوالی کے بعد سے ہی آلودگی خطرناک سطح تک پہنچ گئی ہے ، جس سے دن بھر اندھیرے جیسی صورتحال بنی ہوئی ہے۔پہلے ٹوئنٹی 20 سے سابق بنگلہ دیشی بیٹسمین لٹن داس کے ماسک پہن کر ٹریننگ کرتے دیکھا گیا۔ موجودہ صورت حال نے گزشتہ سال ہندوستان اور سری لنکا کے درمیان سریز یاد دلادی جب مہمان ٹیم کے کھلاڑی دارالحکومت میں اسی دوران ہوئے میچ میں ماسک لگا کر کھیلے تھے۔ اگرچہ بی سی سی آئی نے صاف کر دیا ہے کہ میچ طے پروگرام کے مطابق دہلی میں ہی ہوگا جبکہ اس سیریز میں ہندوستانی ٹیم کی کپتان روہت شرما نے بھی کہا ہے کہ انہیں دارالحکومت کے موسم سے کوئی پریشانی محسوس نہیں ہو رہی ہے۔
