ویانا۔2 مارچ (سیاست ڈاٹ کام ) کھیلوں میں ڈوپنگ کا دائرہ مسلسل پھیل رہا ہے اور آسٹریا میں ’’اسکیئنگ ڈ وپنگ‘‘ کا ایک اسکینڈل سامنے آیا ہے۔ پولیس نے ملک کے معروف اسکیئرمیکس ہاک کو جو اولمپیئن ہو نے کے ساتھ خود بھی پولیس عہدیدار ہے ’ رنگے ہاتھوں ‘ پکڑ لیا گیا۔ پولیس نے جب چھاپہ مارا تو یہ اسکیئر خون منتقل کرنے میں مصروف تھا جو ایتھلیٹس کیلئے سختی سے منع ہے۔ اس سے جسم میں آکسیجن کی مقدار بڑھ جاتی ہے جس سے ایتھلیٹس کو اضافی توانائی ملتی ہے۔اینٹی ڈوپنگ ایجنسی اور پولیس کی یہ مشترکہ کارروائی اسکیئنگ ورلڈ چیمپیئن شپ کے دوران ڈوپنگ اسکینڈل سامنے آنے کے بعد کی جس کے دوران5 اسکیئرزسمیت مجموعی طور پر 9افرادگرفتار کئے گئے ہیں۔
