ممبئی ۔ بالی ووڈ کے سینئر اداکار انیل کپورکی جانب ہر ایک کی توجہ اس وقت مبذول ہوئی، جب انہوں نے انسٹاگرام پر اپنی ڈسپلے تصویر اور تمام پوسٹ ہٹا دیں۔66 سالہ انیل کپور جوآنے والی ایکشن تھرلر فلم اینیمل میں نظر آئیں گے، انکی جانب سے سوشل میڈیا سے تمام پوسٹس ہذف کرنے کے اقدام پر نہ صرف انکے پرستار بلکہ انکی بیٹی اور معروف اداکارہ سونم کپور بھی حیران ہیں۔حالانکہ ابتدا میں تو لوگ یہ سمجھے کہ یہ انکی جانب سے اس سال دودسمبر کو ریلیز ہونے والی فلم اینیمل کی تشہیرکا کوئی طریقہ ہے، اس فلم میں انکے ساتھ رنبیرکپور اور رشمیکا مندنا مرکزی کردار ادا کر رہے ہیں۔ واضح رہے کہ انیل کپور سوشل میڈیا پر فلم کو کک آف کرنے کے حوالے سے فعل رہے۔ تفصیلات کے مطابق اپنی1987 کی کامیاب فلم مسٹر انڈیاکی طرح وہ سوشل میڈیا پر نادیدہ و پوشیدہ ہوگئے ہیں۔ جب میڈیا نے انکے بڑے بھائی بونی کپور سے اس حوالے سے سوال کیا تو انہوں نے اس خواہش کا اظہارکیا کہ وہ انیل کپور اور اپنی آنجہانی بیویسری دیوی کی بطور اداکار اس سال کے اوائل میں مسٹر انڈیا کا سیکوئل بنانا چاہتے تھے۔ میں نے ابھی تک انیل کپور کا انسٹا گرام پروفائل نہیں دیکھا۔ ساتھ ہی انھوں نے تمام معاملات طے ہونے تک مسٹر انڈیا ٹو پرکوئی بھی تبصرہ کرنے سے انکارکردیا۔
