ممبئی ۔ اس وقت شاہ رخ خان کی فلم جوان کے چرچے چاروں سمت ہیں ۔ مداحوں کے علاوہ فلم تجزیہ نگاروں کے ساتھ تاجر وں کے درمیان یہ سوال چل رہا کہ کیا فلم جوان سال کے شروع میں ریلیز ہوئی پٹھان کے ریکارڈز کو توڑ پائے گی ؟ یاد رہے کہ شاہ رخ خان کی فلم جوان میں دیپیکا پڈوکون، نینتارا، وجے سیتھوپتی، دیپیکا پڈوکون، پریمانی اور ردھی ڈوگرا جیسے ستارے اپنی موجودگی کا احساس دلانے والے ہیں۔ نوجوان کے بارے میں کئی لوگ دعویٰ کر رہے ہیں کہ یہ فلم پٹھان کا بھی ریکارڈ توڑنے والی ہے۔ حال ہی میں ناقد کمال راشد خان نے شاہ رخ خان کی فلم جوان کے بارے میں ایسی بات کہہ دی کہ سب حیران رہ گئے۔ انہوں نے ایک ٹویٹ میں بتایا کہ جوان پہلے دن دنیا بھر میں125کروڑ روپے کا بزنس کرنے جارہا ہے۔ دیپیکا پڈوکون بالی ووڈ کے کنگ خان یعنی شاہ رخ خان کی فلم جوان میں کیمیو کرنے جا رہی ہیں۔ جب جوان کا پریویو ریلیز ہوا تو اس میں دیپیکا کی جھلک دیکھنے کو ملی۔ شائقین شاہ رخ اور دیپیکا کو ایک ساتھ دیکھنے کے لیے بے تاب ہیں۔ گزشتہ دنوں ایک رپورٹ سامنے آئی تھی، جس میں بتایا گیا تھا کہ کیارا اڈوانی بھی جوان میں کیمیوکرنے والی ہیں۔ جس کے باعث شائقین کی خوشیاں ساتویں آسمان پر پہنچ گئیں لیکن اب لوگوں کو بڑا جھٹکا لگا ہے۔ تازہ ترین رپورٹ سے معلوم ہوا ہے کہ کیارا اڈوانی شاہ رخ خان کی فلم میں نظر نہیں آئیں گی۔
