تروننت پورم۔ کیرالا کے بڑے رہنماؤں میں شمار اور سابق وزیر آر گوری اماں کا طویل العمری کی بیماری سے منگل کے روز یہاں ایک نجی اسپتال میں انتقال ہو گیا۔ دائیں بازو کے رہنما گوری اماں کو بخار اور سانس لینے میں تکلیف کی شکایت پر دو ہفتے پہلے یہاں پی آر ایس اسپتال میں داخل کروایا گیا تھا، جہاں انہوں نے آج آخری سانس لی۔ کیرالا میں ضلع الپُّجھا کے پٹناکڑ میں 1919 میں پیدا ہونے والی گوری اماں ریاست میں بائیں بازوں کی تحریک کے بانی رہنماؤں میں سے ایک ہیں۔ قانون میں بی اے کرنے کے بعد وہ 1946 میں کمیونسٹ پارٹی میں شامل ہو گئیں اور انہوں نے ٹریڈ یونین اور کسان تحریکوں میں سرگرم ہو کر حصہ لیا۔ سیاسی سرگرمیوں میں حصہ لینے کے سبب کئی مواقع پر انھیں جیل بھی جانا پڑا۔ گوری اماں نے 11 بار اسمبلی الیکشن لڑا اور آٹھ بار جیت حاصل کی۔ وہ 1957، 1967، 1980 اور 1987 میں بائیں بازو کی قیادت والی حکومت میں وزیر تھے ۔ 1994 میں انھیں کمیونسٹ پارٹی آف انڈیا مارکسسٹ (سی پی آئی ایم) سے نکال دیا گیا جس کے بعد انہوں نے ایک الگ پارٹی جنادھیپتیہ سنرکشن سمیتی (جے ایس ایس) تشکیل دی۔
