ترواننت پورم ، 29 اگست (یو این آئی) کیرالا میں ‘فائل عدالت’ پہل کے تحت سرکاری محکموں میں زیر التواء فائلوں میں سے نصف سے زیادہ کو نمٹادیا گیا ہے ۔ یکم جولائی سے شروع کی گئی ‘فائل عدالت’ پہل کے تحت ، نمٹانے کی کل شرح 53.87 فیصد ہے ۔ سرکاری اعداد و شمار کے مطابق 46.63 فیصد فائلیں سیکرٹریٹ میں ، 55.7 فیصد ڈائریکٹوریٹ میں اور 73.03 فیصد عوامی سہولیات و ریگولیٹری اداروں میں نمٹائی گئی ہیں ۔ سیکرٹریٹ میں زیر التواء 304,960 فائلوں میں سے 142,201 کو نمٹا دیا گیا ہے ۔ ڈائریکٹوریٹ میں 909678 میں سے 506718 فائلیں نمٹائی گئیں جبکہ 28301 میں سے 20668 فائلیں دیگر اداروں میں زیر التواء ہیں ۔ ایک پیغام میں ، وزیر اعلی پنارائی وجین نے کہا کہ سیکرٹریٹ کے 11 محکموں نے اپنے 60 فیصد سے زیادہ بیک لاگ کو صاف کر دیا ہے ، جبکہ 30 محکموں نے 40 سے 50 فیصد کے درمیان پیش رفت درج کی ہے ۔ آٹھ محکمے صرف 20-40 فیصد زیر التواء فائلوں کو صاف کرنے میں کامیاب رہے ہیں ۔ ڈائریکٹوریٹ میں سے 48 محکموں نے 60 فیصد سے زیادہ ترقی کی ہے جبکہ 36 دیگر نے کم از کم 40 فیصد ترقی کی ہے ۔
