منگلور: سوشیل ڈیموکریٹک پارٹی آف انڈیا (ایس ڈی پی آئی) نے کیرلا اور کرناٹک کے حالیہ پنچایت انتخابات میں حصہ لیا۔ جس میں کیرالا کے کنور، الاپوڑا، کولم، کوٹائم، تھرواننتاپورم، ویاناڈ و دیگر اضلاع میں 80گرام پنچایت، 1بلاک پنچایت، 20میونسپالٹی اور 1کارپوریشن جملہ 102 نشستوں پر شاندار کامیابی درج کی۔ اسی طرح کرناٹک میں منگلور، اڈپی، گلبرگہ، کوڈاگو، ہاسن، بلاری و دیگر اضلاع میں بھی ایس ڈی پی آئی کے جملہ 224امیدواروں نے شاندار کامیابی حاصل کی، جس کے نتیجے میں پارٹی 3 گرام پنچایت میں اقتدار حاصل کرے گی اور 10گرام پنچایت میں ایس ڈی پی آئی حصہ دار ر ہے گی۔ ایس ڈی پی آئی کرناٹک کے زیراہتمام اعزازی تقریب منعقد کی گئی جس میں ایس ڈی پی آئی قومی جنرل سکریٹری عبدالمجید، قومی سکریٹری الفانسو فرانکو، کرناٹک ریاستی صدر عبدالحنان، ریاستی نائب صدر اڈوکیٹ مجید خان، ریاستی جنرل سکریٹری افسر کوڈلی پیٹ، بی بی ایم پی سداپورہ وارڈ کارپوریٹر مجاہد پاشاہ ، قومی ورکنگ کمیٹی رکن ریاض فرنگی پیٹ و دیگر شریک رہے۔
