لندن ۔8 ڈسمبر ( سیاست ڈاٹ کام ) سابق عالمی نمبر ایک ٹینس اسٹارکیرولین وزنیاکی نے جنوری 2020ء میں آسٹریلین اوپن کے بعد بین الاقوامی ٹینس سے کنارہ کش ہونے کا اعلان کر دیا۔ تفصیلات کے مطابق ڈنمارک کی ٹینس اسٹارکیرولین کی نے سبکدوشی کے ارادے کا اعلان کردیا گذشتہ سال آسٹریلین اوپن ہی جیتنے والی کیرولین نے آئندہ سال جنوری میں ٹینس کورٹ کو خیر باد کہنے کا فیصلہ سنا دیا۔ 29 سالہ کیرولین وزنیاکی نے دنیا کی نمبر ون ٹینس اسٹار کا بھی اعزاز پایا۔ زخموں کا شکار ہوکر اب وہ 97 ویں نمبرکی کھلاڑی ہیں۔ کیرولین وزنیاکی نے اپنے ٹینس کیریئر میں 30 ڈبلیو ٹی اے سنگلز خطابات جیتے اور 2010ء میں پہلے مقام پرفائز ہوئیں، انہوں تین اولمپکس ایونٹس میں بھی نمائندگی حاصل کی۔ 2018 میں انہیں ہڈیوں کی بیماری لاحق ہوئی ۔ 2020ء کے پہلے گرانڈ سلام آسٹریلین اوپن ہی کھیل کر پرستاروں کی نظروں سے اوجھل ہو جائیں گی۔
