یاؤنڈ: کیمرون میں فوجی عہدیداروں نے بتایا کہ انگریزی بولنے والے جنوب مغربی شورش زدہ علاقے سے مسلح افراد نے خواتین سمیت 63 افراد کا اغوا کیا تھا اس کی تحقیقات شروع کردی گئی ہے ۔افسر نے پیر کو بتایا کہ خصوصی تفتیشی ٹیم اس معاملہ کی تحقیقات کر رہی ہے ۔ فوج کے مطابق علیحدگی پسند اس اغوا کے ذمہ دار ہیں۔مقامی ذرائع نے بتایا کہ پیر کو علی الصبح علاقہ کے لیبیا لیم کے مماک لیٹیہہ میں بڑی تعداد میں مسلح لوگ آئے اور ایک بار میں شراب پی رہے لوگوں کا اغواکیا اورانہیں نامعلوم مقام پر لے گئے ۔اغوا کاروں نے اغوا کی ذمہ داری قبول نہیں کی ہے ۔ذرائع کے مطابق یہ علاقہ سرگرم مسلح علیحدگی پسندوں کیلئے جانا جاتاہے ۔ حال ہی میں علیحدگی پسندوں کے درمیان ایک خونریز جھڑپ میں پانچ جنگجو ہلاک ہوگئے تھے۔