نیروبی ، 4 مارچ (سیاست ڈاٹ کام) افریقی ملک کینیا کے شمال مغرب میں جھیل تْرکانا میں واقع ایک دور دراز جزیرے پر ایک ہیلی کاپٹر کی تباہی کے واقعے میں چار امریکی شہری اور ان کا مقامی پائلٹ ہلاک ہو گئے۔ پولیس نے پیر چار مارچ کو بتایا کہ یہ حادثہ سینٹرل آئی لینڈ نیشنل پارک میں اتوار کی رات پیش آیا اور اس واقعے میں ہیلی کاپٹر میں سوار تمام پانچوں افراد مارے گئے۔ کینیا کی پولیس نے ہلاک ہونے والے امریکی شہریوں کی شناخت ظاہر نہیں کی۔
