ٹورنٹو : کینیڈا میں ہندوستانی فلمیں چلانے والے سنیما گھروں پر حملہ کیا گیا۔ نقاب پوش نامعلوم افراد نے سنیما گھروں میں گھس کر بدبو دار اسپرے چھڑکا۔ ہندوستانی میڈیا کے مطابق بدبودار بم بھی رکھا۔ پہلا حملہ منگل کی شب 9 بجکر 20 منٹ پر کیا گیا۔ نقاب پوش افراد سنیما گھر کے اندر داخل ہوئے اور وہاں موجود سامعین پر اسپرے کردیا۔ حملہ آور اسپرے کرنے کے بعد وہاں سے فرار ہونے میں کامیاب ہوگئے جبکہ حملے کے وقت سنیما گھر کے اندر 200 لوگ بالی ووڈ فلم دیکھ رہے تھے۔ تمام سامعین نے کھانسی شروع کردی تھی جس کے بعد ان تمام لوگوں کو بحفاظت باہر نکالا گیا۔
