اوٹاوا: کینیڈا کے شہر مونٹریال میں واقع ایک یہودی کمیونٹی سنٹر پر نامعلوم حملہ آوروں نے کھڑی سے بوتل بم پھینکا جس سے اس کمرے میں آگ بھڑک اٹھی جہاں متعدد افراد سیکیورٹی کے حوالے سے میٹنگ کررہے تھے۔ میڈیا کے مطابق یہودی کمیونٹی سنٹر پر بوتل بم سے حملے کی اطلاع ملنے پر مونٹریال پولیس نے فائر بریگیڈ کو طلب کرلیا۔ عمارت سے 50 سے زائد افراد کو محفوظ مقام پر منتقل کیا گیا۔ حملے کے وقت عمارت میں 60 افراد موجود تھے اور کمیونٹی سنٹر کی سیکیورٹی کے حوالے سے میٹنگ جاری تھی۔ حملے میں کوئی شخص زخمی نہیں ہوا تاہم عمارت کو نقصان پہنچا۔پولیس کا کہنا ہیکہ جس کمرہ میں بوتل بم گرا وہاں قالین، پردوں اور دروازے میں آگ بھڑک اٹھی اور سامان مکمل طور جل کر خاکستر ہوگیا۔ سنٹر میں آگ بجھانے کے آلات کے باعث آگ کو دوسرے کمروں تک پھیلنے سے بچالیا گیا۔کینیڈا کے وزیراعظم نے واقعہ کی شدید الفاظ میں مذمت کی ہے جبکہ پولیس نے تحقیقات کا آغاز کردیا تاہم اب تک کوئی گرفتاری عمل میں نہیں لائی گئی۔یاد رہیکہ کینیڈا میں رواں ماہ یہودیوں پر یہ تیسرا حملہ ہے اس سے قبل دو یہودی اسکولوں پر فائرنگ کی گئی تھی اور ایک عبادت گاہ پر دستی بم سے حملہ کیا گیا تھا اور یہ سب اسرائیل کی حماس میں وحشیانہ بمباری کے بعد ہوا۔
