واشنگٹن، 21 جنوری (یو این آئی) وفاقی حکام نے منگل کو کہا ہے کہ کینیڈا نے ایک فوجی منصوبہ تیار کیا ہے تاکہ ایک مفروضی امریکی حملے کے خلاف جوابی کارروائی کی جا سکے ۔ گلوب اینڈ میل نے رپورٹ کیا کہ یہ اقدام صدی سے زیادہ عرصے میں پہلی بار ہے جس میں اس نے اپنے جنوبی ہمسایہ ملک کے ساتھ رسمی طور پر کسی تنازعے کا ماڈل تیار کیا ہے ۔یہ جوابی منصوبہ اس وقت سامنے آیا جب امریکی صدر ڈونالڈ ٹرمپ نے منگل کے اوائل میں اپنے ٹروتھ سوشل پلیٹ فارم پر کینیڈا اور گرین لینڈ پر امریکی پرچم سے آراستہ ایک اشتعال انگیز تصویر پوسٹ کی تھی ۔ حکام نے گلوب اینڈ میل کو بتایا کہ کینیڈا کے پاس امریکہ کے مکمل حملے کا مقابلہ کرنے کی فوجی طاقت موجود نہیں ہے لہٰذا اس منصوبے میں فوجی اہلکاروں اور شہریوں کے چھوٹے گروپوں کو غیر روایتی جوابی حکمتِ عملی اپنانے کا کہا گیا ہے ۔حکام کا نام ظاہر نہیں کیا گیا کیونکہ انہیں اس منصوبے کے بارے میں بات کرنے کی اجازت نہیں تھی۔ منظر نامے کے مطابق یہ گروپس امریکی حملہ آوروں کے خلاف گھات، ڈرون اور تباہ کاری جیسی تکنیکیں استعمال کریں گے ۔ یہی حکمتِ عملیاں افغان طالبان نے دہائیوں قبل روسیوں کے خلاف اور پھر بیس سال قبل امریکی افواج اور ان کے حلیفوں کے خلاف استعمال کی تھیں۔
