ویلنگٹن ،2 نومبر (یواین آئی ) نیوزی لینڈ کرکٹ ٹیم کے سابق کپتان کین ولیمسن نے ٹی ٹوئنٹی سے سبکدوشی کا اعلان کردیا ۔ نیوزی لینڈ کرکٹ بورڈ نے سماجی رابطے کی ویب سائٹ ایکس پرکین ولیمسن کی سبکدوشی کی تصدیق کردی ہے ۔ نیوزی لینڈ بورڈ نے اپنے بیان میں کہا ہے کہ اسٹارکرکٹر نے ویسٹ انڈیز کے خلاف آنے والی وائٹ بال سیریز میں حصہ نہ لینے کا اعلان کیا ہے تاکہ دسمبر میں ٹسٹ میچزکی سیریز پر توجہ دے سکیں۔ کین ولیمسن نیوزی لینڈ کی جانب سے ٹی ٹوئنٹی میں دوسرے سب سے زیادہ رنز بنانے والے بیٹر ہیں۔ اسٹارکرکٹر نے 2011 میں ٹی ٹوئنٹی شروع کیا اور93 میچز میں نیوزی لینڈ کی نمائندگی کی جس میں انہوں نے18 نصف سنچریوں کے ساتھ 2575 رنز اسکور کیے ۔ واضح رہے کہ کین ولیمسن کی کپتانی میں نیوزی لینڈ کی دومرتبہ ٹی ٹوئنٹی ورلڈکپ سیمی فائنل اور ایک مرتبہ فائنل تک پہنچی۔
