کاماریڈی۔22 نومبر ۔ ( سیاست ڈسٹرکٹ نیوز ) کاماریڈی اسمبلی حلقہ کے راجم پیٹ منڈل کوآپریٹیو سوسائٹی کے ڈائریکٹر میر وجاہت علی اور ضلع حج کمیٹی سکریٹری میر مبشر علی عامر نے بی آرایس ضلع صدر و صدرنشین اُرد و اکیڈیمی ایم کے مجیب الدین سے ملاقات کرتے ہوئے بی آرایس پارٹی میں شمولیت اختیار کی۔ اس موقع پر ایم کے مجیب الدین نے ان کا پارٹی میں خیر مقدم کرتے ہوئے پارٹی کھنڈوا پہنایا ۔ مجیب الدین نے بتایا کہ کاماریڈی اسمبلی حلقہ میں بی آرایس پارٹی امیدوار چیف منسٹر کے چندر شیکھر رائو کے مقابلہ کے اعلان کے ساتھ ہی عوام میں زبردست جوش پیدا ہوگیا تھا اور کئی افراد کانگریس پارٹی سے علیحدگی اختیار کرتے ہوئے بی آرایس پارٹی میں شمولیت اختیار کررہے ہیں مجیب الدین نے کہا کہ کاماریڈی میں کسی بھی حلقہ میں چیف منسٹر چندر شیکھر رائو کی کامیابی یقینی ظاہر ہورہی ہے اور بھاری اکثریت کے ساتھ کامیاب ہوں گے ۔انتخابات کے دوران مختلف سیاسی جماعتیں اورا ن کے قائدین عوام کے درمیان پہنچ رہی ہے لیکن تھوڑی سی بھی غلطی کی گئی تو ریاست کی ترقی خطرہ میں پڑھ جائے گی ۔ لہذا بی آرایس پارٹی کو تیسری مرتبہ بھاری اکثریت سے کامیاب بناتے ہوئے کے سی آر کو ہیٹرک چیف منسٹر بنے کا موقع فراہم کریں ۔ اس موقع پر رکن بلدیہ مرزا حفیظ بیگ ، میر فاروق علی ، محمد عبدالجاوید کے علاوہ دیگر بھی موجود تھے ۔
