سرینگر : جموں و کشمیر کی سابق وزیراعلیٰ محبوبہ مفتی نے کہا ہے کہ بی جے پی نے گاندھی کا ہندوستان گاندھی کے قاتل گوڈسے کے ہندوستان میں تبدیل کردیا ہے۔ سرینگر میں میڈیا سے گفتگو کرتے ہوئے انہوں نے کہا کہ بی جے پی نے اپنے ہندوتوا ایجنڈہ کے لیے مقبوضہ کشمیر کو تجربہ گاہ بنا رکھا ہے۔ محبوبہ مفتی کا مزید کہنا تھا کہ بی جے پی ملک میں ہندوتوا نظریہ آگے بڑھانے کے لیے پہلے اس کا تجربہ جموں و کشمیر میں کرتی ہے۔ یاد رہے کہ ناتھو رام گوڈسے نے 30 جنوری 1948 کو مہاتما گاندھی کو قتل کردیا تھا۔
