حیدرآباد۔ ٹو وہیلر گاڑیوں کے نامناسب نمبر پلیٹس، ٹریفک چالانات سے بچنے نمبر پلیٹس کے نمبرات کو چھپانے اور قوانین کی خلاف ورزی کرنے والوں کے خلاف بڑے پیمانہ پر مہم چلائی گئی۔ شہر حیدرآباد کی ایل بی نگر ٹریفک پولیس کی جانب سے چلائی گئی اس مہم کے دوران کئی بائیکس اور دیگر ٹووہیلر گاڑیوں کو ضبط کیاگیا۔اس موقع پرٹریفک پولیس نے کہا کہ نمبرپلیٹ کے آگے یا پیچھے کے نمبرات کو چھپایا جارہا ہے تاکہ یہ گاڑیاں کسی بھی طرح سے سی سی ٹی وی کیمروں میں نہ آسکیں۔ایسی گاڑیوں کا سی سی ٹی وی فوٹیجس کے ذریعہ پتہ چلانا مشکل ہوتا ہے ۔اسی لئے اس طرح کی گاڑیوں کو رکھنے والوں کے خلاف خصوصی مہم چلائی گئی اور ایم وی ایکٹ کی دفعہ 80کی شق اے ،اے پی ایم وی آرموٹر وہیکل رول 50،51،سنٹرل موٹر وہیکل رولس 177کے تحت معاملات درج کرتے ہوئے چالانات کئے گئے ۔پولیس نے گاڑی سواروں سے خواہش کی کہ اپنی گاڑیوں کے نمبرپلیٹس کو مناسب رکھیں اور ٹریفک پولیس کے چالانات یا پھر سی سی ٹی وی کیمروں میں قید ہونے سے بچنے چھیڑ چھاڑ یا پھر نمبرات کوچھپانے کی کوشش نہ کریں۔
