نئی دہلی: عام آدمی پارٹی نے ڈاکٹر سندیپ پاٹھک کو گجرات کا انچارج بنایا ہے۔ پنجاب اسمبلی انتخابات 2022 میں عام آدمی پارٹی کی جیت کا سہرا بڑی حد تک پاٹھک کو جاتا ہے اور انہیں اس جیت کا چانکیہ سمجھا جاتا ہے۔ یہی نہیں سندیپ پاٹھک کے کام سے خوش ہو کر عام آدمی پارٹی نے انہیں راجیہ سبھا کا امیدوار بھی بنایا ہے۔ دوسری جانب ہماچل پردیش کے لیے دہلی کے وزیر صحت ستیندر جین کو انتخابی انچارج بنایا گیا ہے جبکہ درگیش پاٹھک کو انچارج بنایا گیا ہے۔ دہلی کے گریٹر کیلاش سے ایم ایل اے سوربھ بھردواج کو ہریانہ کا الیکشن انچارج قرار دیا گیا ہے۔
