نئی دہلی: دہلی کے وزیر اعلی اروند کیجریوال گجرات اسمبلی الیکشن 2022 کے حوالے سے ریاست میں مسلسل عوامی میٹنگیں کر رہے ہیں۔ اتوار کو ولساڈ میں ایک جلسہ عام سے خطاب کرتے ہوئے کیجریوال نے حکومت کو سخت نشانہ بنایا۔ اس دوران انہوں نے جلسے میں آنے والے لوگوں کا شکریہ ادا کرتے ہوئے کہا کہ ہر کوئی اپنی مرضی سے آیا ہے، سب تبدیلی کے لیے آئے ہیں۔ انہوں نے دعویٰ کیا کہ گجرات میں عام آدمی پارٹی کی حکومت بننے والی ہے۔ یہ بھی کہا کہ ہم ایک ایک وعدہ پورا کریں گے اور آپ کے بچوں کا مستقبل بنائیں گے۔ گجرات کے لوگوں کے ساتھ مل کر ہم ایک نیا گجرات بنائیں گے۔ اس دوران انہوں نے اپنے جانے پہچانے انداز میں بی جے پی کو بدعنوانی کے لیے نشانہ بنایا۔
