گدوال۔ یکم ؍ اکتوبر (سیاست ڈسٹرکٹ نیوز) ضلع کلکٹر بی ایم سنتوش نے قصبے میں تعمیر ہونے والے سرکاری نرسنگ کالج کا معائنہ کیا۔ اس موقع پر عہدیداروں سے زیر تعمیر کاموں کی تفصیلات اور ان کی پیش رفت کے بارے میں پوچھا گیا۔ اس موقع پر خطاب کرتے ہوئے کلکٹر نے نامکمل کاموں کو جلد مکمل کرنے کا حکم دیا۔ خاص طور پر کالج کی سہولیات کے مطابق جی پلس ون کی تعمیر کا کام مکمل کرنے پر زور دیا اور طلباء کو جلد از جلد کلاس رومز، لیب وغیرہ جیسی ضروری سہولیات فراہم کی جائیں۔ کلکٹر نے پراجکٹ کے نقشے کے ذریعہ پروجیکٹ کی تفصیلات کا جائزہ لیا۔ پرنسپل نے بتایا کہ کالج میں فی الحال 300 طلباء ہیں ، پرنسپل نے طلباء کے مسائل کو حل کرنے اور انہیں بہتر سہولیات فراہم کرنے کے لئے ضروری رہنما اصول بتائے کلکٹر نے کہا کہ نئے سرکاری نرسنگ کالج کی تعمیر چند ماہ میں مکمل کر لی جائے گی، تب تک نرسنگ کے نئے بیچ طلباء کو گنجی پیٹ میں عارضی سہولیات فراہم کی جائیں گی اور تعمیر مکمل ہونے کے بعد طلباء کو تمام بنیادی سہولیات کے ساتھ نئے احاطے میں منتقل کرنے کے لئے ضروری اقدامات کئے جائیں گے۔
