حیدرآباد۔ 19 نومبر (سیاست نیوز) تلنگانہ ہائی کورٹ نے پبلک سرویس کمیشن گروپ I مینس امتحانات کے سلسلہ میں سنگل جج کے احکامات پر عبوری حکم التواء میں توسیع کی ہے۔ ہائی کورٹ کے سنگل جج نے گروپ I مینس امتحانات کو کالعدم قرار دیتے ہوئے احکامات جاری کئے تھے۔ مینس امتحانات کے نتائج کا 10 مارچ کو اعلان کیا گیا اور 563 منتخب امیدواروں کی جنرل رینک لسٹ 30 مارچ کو جاری کی گئی تھی۔ ڈیویژن بنچ کی جانب سے سنگل جج کے احکامات پر حکم التواء کے بعد 24 ستمبر کو منتخب امیدواروں کو احکامات تقرر حوالے کئے گئے۔ تلنگانہ پبلک سرویس کمیشن کی درخواست پر چیف جسٹس اپریش کمار سنگھ اور جسٹس جی ایم محی الدین پر مشتمل بنچ نے آئندہ سماعت تک حکم التواء میں توسیع کردی ہے۔ گروپ I کے امیدواروں کی جانب سے درخواستیں داخل کی گئیں جن میں بے قاعدگیوں کی شکایت کی گئی۔ بنچ نے آئندہ سماعت 12 ڈسمبر کو مقرر کرتے ہوئے واضح کردیا کہ سماعت کے سلسلہ میں مزید توسیع نہیں کی جائے گی۔ 1
گروپ II تقررات کے خلاف سنگل جج کے فیصلے پر اپیل کی تیاری
حیدرآباد۔ 19 نومبر (سیاست نیوز) تلنگانہ پبلک سرویس کمیشن نے گروپ II تقررات 2015-16 کو منسوخ کرنے سے متعلق ہائی کورٹ کے فیصلہ کے خلاف اپیل دائر کرنے کا فیصلہ کیا ہے۔عدالت نے کل فیصلہ سناتے ہوئے گروپ II کے تحت کئے گئے تقررات کو کالعدم کردیا۔ کمیشن کے صدر نشین بی وینکٹیشم اور ارکان کے اجلاس میں قانونی پہلوؤں کا جائزہ لینے کے بعد اپیل کے سلسلہ میں قانونی ماہرین سے رائے طلب کی ہے۔ اجلاس میں بتایا گیا کہ 2019 میں ٹکنیکل کمیٹی کی رپورٹ کی بنیاد پر گروپ II کی 1032 جائیدادوں پر مختلف محکمہ جات میں تقررات کئے گئے تھے۔ تقررات کے 6 سال بعد نوٹیفکیشن کو ہائی کورٹ کی جانب سے منسوخ کئے جانے پر ایک نیا تنازعہ پیدا ہوچکا ہے۔
ہائی کورٹ نے او ایم آر شیٹ کا ازسرنو جائزہ لیتے ہوئے 8 ہفتوں میں دوبارہ سلیکشن لسٹ جاری کرنے کی ہدایت دی ہے۔1
تلنگانہ پبلک سرویس کمیشن ڈیویژن بنچ پر سنگل جج کے فیصلے کے خلاف اپیل کرے گا۔ 1