گڑگاؤں: نوح اور گروگرام میں پرتشدد واقعات کو لے کر جمعیۃ علماء گرو گرام نے نماز جمعہ کے حوالے سے بڑا فیصلہ لیا ہے۔ مساجد میں نماز جمعہ ادا نہیں کی جائے گی ۔گڑگاؤں کی ایک مسجد کے نائب امام کو شہید کرنے کے بعد حالات قابو میں ہیں۔اس کے باوجود جمعیۃ علماء گروگرام نے مساجد میں نماز جمعہ ادا نہ کرنے کا فیصلہ کیا ہے۔جمعیۃ علماء گروگرام کے مقامی صدر مفتی سلیم قاسمی نے اپنے ویڈیو پیغام میں کہا ہے کہ جمعہ کی نماز مساجد میں ضرور ہوگی، لیکن مساجد کے انتظامی امور سے منسلک صرف چار سے پانچ لوگ ہی اس میں شرکت کر سکیں گے۔
