حیدرآباد : وجئے واڑہ کے گناورم ایرپورٹ پر شدید کہر کی وجہ سے طیاروں کی آمد و رفت میں مشکلات کا سامنا کرناپڑا۔صبح کی اولین ساعتوں سے ہی کہر کی گھنی چادر ایرپورٹ اور اس کے اطراف کے علاقوں میں دیکھی گئی جس کے نتیجہ میں راستہ صاف دکھائی نہیں دے رہا تھا۔اس شدید کہر کے نتیجہ میں صبح 7.20بجے دہلی، بنگالورو سے آنے والے طیاروں کی آمد میں تقریبا دو گھنٹے تک کی تاخیر ہوئی۔ناموافق موسم کی وجہ سے ان طیاروں کی آمدورفت کچھ گھنٹوں کیلئے متاثر رہی۔اڑان بھرنے والے طیاروں میں بھی تاخیر ہوئی ہے ۔
