یلاریڈی ۔ 8 ؍ ڈسمبر (سیاست ڈسٹرکٹ نیوز) منڈل گندھاری مستقر کے قریب رات کو پیش آئے سڑک حادثہ میں وی آر او ہلاک ہوگیا ۔ تفصیلات کے مطابق منڈل کے بوپاچی واڑی موضع سے تعلق رکھنے والے 35 سالہ کشن وی آر او منڈل مستقر پر تحصیل آفس سے رات 8-30 بجے اپنی خدمات کے بعد گھر کو جا رہا تھا کہ تپارم روڈ کے پاس بائیک کے بے قابو ہو کر گر پڑا ‘ جس سے کشن کے سر پر گہرے زخم لگے اور یہ مقام حادثہ پر ہلاک ہوگیا ۔ رات کو گھر واپس نہ آنے پر افراد خاندان تلاش کرنے نکل پڑے ۔ صبح چار بجے سڑک پر کشن مردہ پایا گیا ۔ افراد خاندان کی شکایت پر پولیس نے مقدمہ درج کرکے تحقیقات کر رہی ہے ۔ وی آر او کشن تحصیل آفس سے خدمات مکمل کر کے گھر واپس ہونے کے دوران حادثہ کا شکار ہوا ۔ لیکن اس کی بائیک پر کسی قسم کی خراش نہ لگی اور نہ اس کے جسم پر کوئی زخم لگا صرف اس کے چہرے پر گہرے زخم آئے جس سے مقامی عوام کو شبہات ہو رہے ہیں ۔ رات کے وقت برگل علاقہ سے گندھاری مستقر تک دھات کاٹنے والا مشین گیا تھا ہوسکتا ہے اس گاڑی نے کشن کو ٹکر دی ہو ۔ مختلف جگاہوں کے سی سی کیمرے جانچ کرنے پر اگر اس میں متوفی سے متعلق کچھ سراغ مل سکا تو ثبوت رہے گا ورنہ مختلف شکوک و شبہات اپنی جگہ رہیں گے ۔
