گنگا اور جمنا ندیوں کے آبی سطح میں اضافہ

پریاگ : پڑوسی ریاستوں اتراکھنڈ، مدھیہ پردیش، راجستھان اور ہماچل پردیش میں لگاتارہورہی بارش کی وجہ سے پریاگ راج میں گنگا۔جمنا دونوں ندیوں کے آبی سطح میں بالترتیب گذشتہ 24گھنٹوں کے د وران 44 اور 46سینٹی میٹر کا اضافہ درج کیا گیا ہے ۔سرکاری اعداد و شمار کے مطابق گزشتہ 24 گھنٹوں کے دوران گنگا اور یمنا دونوں ندیوں کے پانی کی سطح میں بالترتیب 44 اور 46 سینٹی میٹر کا اضافہ ریکارڈ کیا گیا ہے ۔ پیر کو آٹھ بجے گنگا کی پانی کی سطح پھاپھامئو میں 78.31 میٹر، چھتناگ میں 75.06 میٹر اور یمنا (نینی) میں 75.50 میٹر ریکارڈ کی گئی۔ منگل کی صبح آٹھ بجے ، پھاپھامئو میں گنگا کی آبی سطح 14 سینٹی میٹر بڑھ کر 78.45 میٹر، چھتناگ میں 44 سینٹی میٹر بڑھ کر 75.50 اور یمنا (نینی) میں 46 سینٹی میٹر بڑھ کر 75.96 میٹر ہو گئی ہے ۔انہوں نے بتایا کہ پریاگ راج میں گنگا کا خطرے کا نشان 84 میٹر پرہے ۔ یہاں تک ابھی سیلاب کا پانی پہنچنا مشکل ہے ۔