مکہ مکرمہ ۔ خادم حرمین شریفین شاہ سلمان بن عبدالعزیز کے مشیر خاص اورگورنر مکہ مکرمہ شہزادہ خالد الفیصل نے شہزادہ عبداللہ الفیصل بین الاقوامی عربی شاعری کے مقابلے میں مختلف عرب ممالک کے شعراکو بہترین کلام پیش کرنے پر نقد انعامات سے نوازا۔ عربی مشاعرے کا انعقاد گورنر ہاؤس میں کیا گیا تھا۔ شاعری کے مقابلے میں شعرا میں ایک ملین ریال سے زائد کے انعامات پیش کئے۔ اس موقع پر شہزادہ خالد الفیصل نے اپنا کلام بھی پیش کیا۔شاعری کے مقابلے میں پہلا انعام جس کی مالیت 5 لاکھ ریال تھی سعودی شاعر اورادیب عبداللطیف بن یوسف المبارک کو دیے گئے۔ سعودی خاتون شاعرہ ھیفا بنت عبدالرحمن الجبری کو 2 لاکھ، مصر کے تھیٹر اور ڈرامہ کے شاعر محمد عبدالرزاق کو دو لاکھ ریال دیے گئے جبکہ متحدہ عرب امارات کے شاعرکو ایک لاکھ ریال کا انعام سے نوازا گیا۔
