آگرہ: اتراکھنڈ گورنر بی بی رانی موریہ نے اپنا استعفیٰ صدر رام ناتھ کووند کو بھیج دیا ہے۔ انہوں نے اتراکھنڈ کی گورنر کے طور پر تین سال مکمل کیے ہیں۔ بی بی رانی موریہ آگرہ کی میئر رہ چکی ہیں۔ بی بی رانی موریہ نے 26 اگست کو اتراکھنڈ کی گورنر کی حیثیت سے اپنی تین سالہ مدت پوری کی ہے۔ اس عرصے کے دوران وہ ریاست میں خواتین کے مفادات کے تعلق سے سنجیدہ رہی ہیں۔ رانی موریہ ماضی میں بی جے پی ٹکٹ پر اسمبلی الیکشن لڑی تھیں جس میں وہ ناکام رہیں۔
