کولکاتا : مغربی بنگال کے گورنر جگدیپ دھنکر نے ریاست میں لاا ینڈ آرڈر کی دھماکہ خیز صورت حال پر ممتا بنرجی سے کہا ہے کہ وہ فوری طور پرانہیں صورت حال سے آگاہ کریں۔گورنر نے ٹوئیٹ کرتے ہوئے لکھا ہے کہ ان کی ہدایت پر چیف سیکریٹری سے ریاست کی موجودہ صورت حال پر رپورٹ طلب کی گئی ہے اور ممتا بنرجی سے کہا گیا ہے کہ وہ انہیں ریاست کی دھماکہ خیز صورت حال پر اطلاع دینے کی ہدایت دی گئی ہے۔ انہوں نے لکھا ہے کہ چیف سیکریٹری نے یاددلایا ہے کہ حکومت کے جواب کا انتظار کیا جارہا ہے ۔گورنر نے لکھا ہے کہ انہیں امید ہے کہ آئین کے بنیادی مقصد کے احترام اور ریاست میں لااینڈ آرڈر کی صورت حال کے پیش نظر ممتا بنرجی جن کے پاس پولیس کا محکمہ بھی ہے ، فوری طور پر ریاست میں امن و قانون کی صورت حال،حقوق انسانی سے متعلق حالات سے آگاہ کریں گی۔