ریاست کا بہترین میڈیکل کالج بنانے کی کوشش، ریاستی وزیر عمارات و شوارع کے وینکٹ ریڈی، ضلع کلکٹر سی نارائن ریڈی کی پریس کانفرنس
نلگنڈہ۔ 26 جولائی (سیاست ڈسٹرکٹ نیوز) گورنمنٹ میڈیکل کالج نلگنڈہ کی عمارت کی تعمیر آئندہ ماہ کے اختتام تک مکمل کر لیا جائے گا اور اس کا افتتاح ریاست کے ریاستی چیف منسٹر اینومولا ریونت ریڈی کی ہا تھوں کیا جائیگا یہ بات ریاستی وزیر عمارت و شوارع مسٹر کے۔وینکٹ ریڈی ضلع کلکٹر سی۔ نارائن ریڈی کے ہمراہ تعمیراتی کاموں کا آغاز معائنہ بعد میں، وزیر نے میڈیا کے نمائندوں کومخاطب کرتے ہوئے بتایا کہ سرکاری میڈیکل کالج اگست کے آخر تک کام مکمل کرنے کے بعد طلباء کی سہولت کے لئے دستیاب رہیگا۔ انہوں نے کہا کہ اس وقت مرکزی سرکاری ہسپتال میں چلنے والے گورنمنٹ میڈیکل کالج کے طلباء اور پروفیسرز کو شدید مشکلات کا سامنا ہے جس کو مدنظر رکھتے ہوئے گزشتہ چھ ماہ سے میڈیکل کالج کے کام میں تیزی لائی گئی ہے۔ انہوں نے کہا کہ عثمانیہ، گاندھی اور کاکتیہ کے بعد نلگنڈہ کے سرکاری اسپتال میں مزید مریض آرہے ہیں۔ انہوں نے کہا کہ اگر یہ میڈیکل کالج مکمل ہو جائے تو طلباء کے لیے بہت سہولت ہو گی۔ انہوں نے کہا کہ اب تک 95 فیصد کام مکمل کر لیا گیا ہے، لڑکیوں کا ہاسٹل ستمبر میں مکمل ہو جائے گا۔ انہوں نے انجینئرنگ افسران اور گتہ دار کو کام میں معیار کی برقراری کویقینی بنانے کا ہدایت دی۔ انہوں نے کہا کہ نلگنڈہ گورنمنٹ میڈیکل کالج کو ریاست کا بہترین میڈیکل کالج اور ایک ماڈل میڈیکل کالج بنانے کی کوشش کی جائے گی۔ انہوں نے کہا کہ غریب لوگ علاج کے لیے سرکاری اسپتالوں کی طرف دیکھ رہے ہیں اور بیماریوں کی وجہ قرضوں کا بوجھ میں مبتلاء ہو رہے ہیں، اْنھوں نے کہا کہ حکومت آروگیا شری کی حد کو 5 لاکھ سے بڑھا کر 10 لاکھ کر دے گی۔ گورنمنٹ میڈیکل کالج میں تمام سہولیات فراہم کرنے خصوصاً عملے کی آمدورفت کے لیے دو اے سی بسوں کا انتظام کیا جائے گا۔ پینے کے پانی، سول ورکس اور بجلی کی تمام سہولیات فراہم کی جائیں گی۔ وزیر نے انکشاف کیا کہ نرسنگ کالج کے لیے 20 کروڑ روپے کی منظوری دی گئی ہے اور اسی کیمپس میں نرسنگ کالج بھی بنایا جائے گا۔اس موقع پر ضلع کلکٹر سی۔نارائن ریڈی میڈیکل کالج پرنسپل و دیگر موجود تھے قبل از یں ریاستی وزیر نے کیمپ آفس کے قریب پارک میں پرجا دربار میں حصہ لیا ۔ ڈورنکل میں 3 کروڑ روپے تخمینہ لاگت سے 33؍11 کے وی سب اسٹیشن کے کاموں کا سنگ بنیاد رکھا۔