حیدرآباد۔ گورنمنٹ ڈگری کالج برائے خواتین حسینی علم حیدرآباد میں دوروزہ قومی سمینار بعنوان اردو کی نثری اصناف 18 اور 19مارچ کو منعقد ہوگا ۔ افتتاحی اجلاس 18 مارچ کو صبح دس بجے منعقدہوگا۔ سمینار میں مختلف جامعات کے پروفیسرس، اسکالرس، ادباء وشعراء حصہ لیں گے ۔ ڈاکٹرنیلماں مہمان خصوصی ہوں گی۔ کلیدی خطبہ پروفیسر بیگ احساس دیں گے ۔ مہمانان خصوصی کی حیثیت سے ڈاکٹر محمد غوث ، پروفیسر بیگ احساس ، پروفیسر ظفرالدین ،پروفیسر سید فضل اللہ مکرم ، پروفیسر نسیم الدین فریس ، ڈاکٹرسیدفاضل حسین پرویز ، پروفیسر سیما صدیقی، ڈاکٹر شمس الہدیٰ ، قمرجمالی ، نفیسہ خان ، مجید بیدار ، ڈاکٹر مسرت جہاں ، ڈاکٹربی بی رضا خاتون، پروفیسر دبیر احمد ، مختار علی اور ڈاکٹر سید تاج الدین شرکت کریں گے ۔ پروگرام کے معاون کنوینر ڈاکٹر مختار احمد فردین، ڈاکٹرمحامدہلال اعظمی،ڈاکٹرنہال افروزرہیں گے ۔ پرنسپل کالج ڈاکٹربی سنیتا پدماوتی اورپروگرام کنوینر ڈاکٹرعبدالقدوس نے محبان اردو سے سمینار میں شرکت کی درخواست کی ہے ۔ اس موقع پر قلمی سفر ( مصنف: ڈاکٹر مختار احمد فردین ) ،جہان اطفال(مرتب:ڈاکٹرعبدالقدوس)،صدائے شبلی(مدیرڈاکٹرمحامدہلال اعظمی) اور ہندی کہانی کے ابتدائی نقوش اور چند اہم کہانیاں (مترجم:ڈاکٹرمحمدنہال افروز) کی کتابوں کی رسم اجراء عمل میں آئے گا۔ دوروزہ قومی سمینار کے دوسرے دن جمعہ کو اسکالرس آن لائن اپنے مقالے پیش کریں گے ۔ زوم آئی ڈی: 2197559899ہے ۔
