نیویارک۔ اقوام متحدہ کے سکریٹری جنرل انتونیو گوٹیرش آئندہ ہفتہ روس اور یوکرین کا دورہ کریں گے۔ کریملن کے مطابق گوٹیرش ماسکو میں منگل کو روز پہلے روسی وزیر خارجہ سیرگئی لاوروف اور پھر روسی صدر ویلادیمیر پوٹن سے ملاقات کریں گے۔ بعد ازاں جمعرات کو کیف میں ان کی یوکرینی صدر وولودیمیر زیلنسکی سے بھی ملاقات متوقع ہے۔ اقوام متحدہ کے چیف ان قائدین سے ملاقاتوں میں فوری طور پر جنگ روکنے اور عام شہریوں کی حفاظت کو یقینی بنانے پر بات چیت کریں گے۔ کیف اور ماسکو کے دورے کا مقصد یوکرین میں جلد سے جلد قیام امن کو بحال کرنا ہے۔
