راجستھان پولیس اور دہلی پولیس کرائم برانچ کی کارروائی، دہلی منتقل
جئے پور: راجستھان پولیس اور دہلی پولیس کی کرائم برانچ نے چندی گڑھ سیکٹر 22 اے کے ایک ہوٹل سے شری راشٹریہ راجپوت کرنی سینا کے صدر سکھدیو سنگھ گوگامیڈی کے قتل میں ملوث دو شوٹروں سمیت تین افرادکو گرفتار کرلیا۔ ملزمین کے نام روہت راٹھور اور نتن فوجی ہیں جبکہ تیسرے کا نام ادھم ہے۔ ادھم وہ شخص ہے جو فرار ی کے دوران ملزمین کے ساتھ تھا۔ دہلی پولیس کرائم برانچ تینوں کو لے کر دہلی پہنچ گئی ہے۔ پولیس ٹیم سبھی کو جے پور لے جائے گی۔ سکھدیو سنگھ گوگامیڈی کو جے پور میں ان کی رہائش گاہ پر گولی مار کر ہلاک کر دیا گیا۔ اس پورے واقعے میں کل 17 گولیاں چلائی گئیں۔ یہ قتل وریندر چاہن اور دینارام کی ہدایت پر کیا گیا تھا۔ پولیس ان دونوں کو گرفتار کرنے کی کوشش کررہی ہے۔ قتل کے بعد ملزم راجستھان سے ہریانہ کے حصار پہنچے، حصار سے منالی گئے اور منالی سے چندی گڑھ پہنچے جہاں سے انہیں گرفتار کر لیا گیا۔ملزم پولیس سے چھپنے کے لیے منالی پہنچ گئے۔نتن فوجی نے پولیس کے سامنے اعتراف کیا کہ اسے راجستھان کے انتہائی مطلوب اور جدید ترین اسلحہ ڈیلر روہت گودارا اور وریندر چاہن استعمال کرتے تھے۔ روہت کا گوگامیڈی کے ساتھ جھگڑا ہوا تھا۔ روہت نے اپنے ساتھ نوین شیخاوت کو بھی شامل کیا۔روہت نے گوگامیڈی سے بدلہ لے لیا تھا۔ قابل ذکر ہے کہ گودارا کا گوگامیڈی کے ساتھ زمین کے تنازعہ پر جھگڑا چل رہا تھا۔آپ کو بتا دیں کہ سکھدیو سنگھ گوگامیڈی کو جے پور میں ان کی رہائش گاہ پر گولی مار کر ہلاک کر دیا گیا تھا۔ اس کی ذمہ داری لارنس بشنوئی گینگ کے سرغنہ روہت گاڈ پر عائد ہوتی ہے۔ کرنی سینا کے صدر سکھدیو سنگھ گوگامیڈی کے قتل پر راجستھا ن میں زبردست احتجاج کیا گیا تھا۔